Mecnun Dilindendür

Vefa her kimseden kim istedüm andan cefa gördüm

Kimi kim bi-vefa dünyada gördüm bi-vefa gördüm

Kime kim derdümi izhar kıldım isteyüp derman

Özümden min beter derd ü belaya müptela gördüm

Mükedder hatırumdan kılmadı bir kimse def*i gam

Safadan dem uran hem-demleri ehl-i riya gördüm

Eger su damenin dutdum revan dönderdi yüz menden

Ve ger gözgüden umdum sıdk aks-i müdde'a gördüm

Ayak basdum reh-i ümmide ser-gergedanlıg elverdi

Emel ser-riştesin dutdum elümde ejdeha gördüm

Mana gösterdi gerdün tıre bahtum gözgüsin yüz kez

Men-i bed-baht ana her gah kim bahdum kara gördüm

Fuzüli ayb kılma yüz cevirsem ehl-i alemden

Neden kim herkime yüz dutdum anda yüz bela gördüm