GAZEL / FUZULİ

BU GAZEL MECNUN DİLİNDENDİR

Ah kim bir dem felek re'yümce devran etmedi

Vasl dermaniyle def'-i derd-i hicran etmedi

Yardan min derd-i dil çekdüm bu hem bir derd kim

Bildi min derd-i dilüm bir derde derman etmedi

Vadi-i gurbetde can verdüm meni ol şah-ı hüsn

Bir gece han-ı visali üzre mihman etmedi

Duslar çak-i giribanum görüp ayb eylemen

Ol güli kim gördi kim çak-i giriban etmedi

Fakr mülkin dut ger istersen kemal-i saltanat

Kim bu mülkün fethini fagfur ü hakan etmedi

Tig-i bi-dad ile her dem kanumı tökmek nedür

Ey felek her kim dem urdı aşkdan kan etmedi

Ahd ü peyman etdi yarum kim sana yarem veli

Yarlıg vakti sanursen ahd ü peyman etmedi

Akl meydanın zindan-ı bela bilmez henüz

Kim ki müddet cünun mülkini seyran etmedi

Sırr-ı aşkın etmedi ancak Fuzuli aşikar

Bu mübarek işi her kim etdi pinhan etmedi