MURABBA / H AKIN

BU MURABBA' MECNUN DİLİNDENDÜR

Gayr ile her dem ne dür seyr-i gülistan etdüğün

Bezm edüp halvet kılıp yüz lutuf u ihsan etdüğün

Ahd büyadın mürüvetdür mi viran etdügün

Hani ey zalim bizümle ahdü peyman etdügün

Lahza lahza müddet pendin dür-iguş eyledün

Kana kana gayr cam-ı şevkini nuş eyledün

Vura vura ahd ü peymanı feramuş eyledün

Hani ey zalim bizümle ahd ü peyman etdügün

Gayre salup mihrüni bizde savutdun akibet

Terk-i mihr etdün tarik-i zulm dutdun akibet

Ahdler peymanlar etmişdün unuttun akibet

Hani ey zalim bizümle ahd ü peyman etdügün

Cürmümüz n'oldu ki bizden eyledün bizarlıg

Biz gamun çekdük sen etdün özgeye gam-harlıg

Sizde adet bu mudur beyle olur mı yarlıg

Hani ey zalım bizümle ahd ü peyman etdügün

Çerh tek bed-mihrlig resmini bünyad eyledün

Yahşi adun var iken döndün yaman ad eyledün

Döne döne bizi gam-nak özgeni şad eyledün

Hani ey zalim bizümle ahd ü peyman etdügün

Gönlümüz min-ba'd zülfünçün perişan olmasun

Bagrumuz la'lun hevasıyle dahi kan olmasun

Bi-vefasen çeşmümüz yadunla giryan olmasun

Hani ey zalim bizümle ahd ü peyman etdügün

Va'de-i vasl ile aldun sabrumuz aramumuz

Olmadı her gün visalünden müyesser kamumuz

Geçdi hecr ile fuzuliden beter eyyamumuz

Hani ey zalim bizümle ahd ü peyman etdügün